2011年12月27日 星期二

非牟利診所

上篇講開第一次帶小朋友去醫生,點解會帶小朋友去呢間?因為近少少囉,之前大小姐睇開果間近太子行路去要10-15min,但係撘的士又唔洗跳錶。但係以大小姐既磅數足以令我雙手柏金遜成晚。撘的士都唔係問題,但係回程時又要行到天一半地一半,會唔會有D更好既選擇呢?好入正題,就試呢間。

佢地有三間分店,24,29 同 77,打電話去預約,都知佢地好忙。約兩點13:50去到已經有兩個客人等緊。去櫃枱登記,職員態度認真麻麻(仲有下文)。職員話醫生遲左出去食飯,會晏少少返。都唔緊要啦,反正都仲有兩個先到我。

我八八掛掛周圍望,牆上面貼左收養小動物的告示,感謝信。仲有兩張"請勿向本診所職員出言恐嚇,本診所將會報警。"睇完都唔夠一陣,有一對夫婦入黎登記,職員一樣唔耐煩回答。帶左4隻貓貓黎,但係仲有3隻都想登記埋,職員話貓貓同主人一齊到左先可以登記,夫婦話你呢度睇完都未到我啦,你而家同我登記埋都一樣啫。

一人一句最後兩夫婦出左去,淨返個一齊黎既大嬸,個職員繼續講。大嬸就話,人地都出左去啦,你仲講。職員話:我都要向同事交代返情況架ma!

又等左一陣,醫生返黎。但係又叫左夫婦其中2隻貓貓入去喎,到底條隊係點排既呢?無所謂,上網睇過都預左等。我都算快只係等左20min,我走果時有個客人都仲等緊。

至於醫生,又無乜特別,都算溫柔細心唔惡,仲叫我要留意大小姐,都OK架。但係下個月小朋友支針去唔去呢度打,就真係要諗諗。

要大家睇咁多字,真係辛苦晒。又或都可能無心機睇,一睇就跳左落黎。

睇下達仔呀!係咪好以呢!



23 則留言:

  1. 係咪真係非牟利嫁呢?

    我覺得做醫護人員真係要好有愛心禮貌同耐性至得,黎得幫襯大部份都心煩意亂,特別容易扯火。

    回覆刪除
  2. 依隻貓貓身型同達仔唔同 ~ 我覺得 ~~~

    回覆刪除
  3. 佢咁講,但係價錢都唔係相差好遠。係呀,我最怕我有一日把口唔收,得罪人就唔好啦!
    因為佢個樣憂鬱D同瘦D?

    回覆刪除
  4. 非牟利但係收嘅錢又差唔多
    咁即係牟利喇

    回覆刪除
  5. 可能係牟你少少利掛。

    回覆刪除
  6. 間診所喺邊架?

    姑娘咁冇品, 好趕客架wor~

    呢個同逹仔有d相似的貓係邊個架?

    回覆刪除
  7. 地點在深水埗,個姑娘可能多野做,做到煩,佢地真係生意唔憂架。又可能深水埗其其怪怪既人多,要惡D掛。

    其實佢係我老媽個寶貝,不過性格有少少自閉。

    回覆刪除
  8. 下,你老媽有隻達仔?幾歲呀?

    我樓下間士多都有隻,都好似架

    回覆刪除
  9. 我反而覺得貓貓有少少自閉至正常。

    回覆刪除
  10. 24, 29, 77? 唔明呀..

    係米即係SPCA? 定係咩?

    如果佢地貢既態度, 唔好再去啦. 又唔係得佢地. 雖然我地既小孩係貓咪/狗狗, 都有生命, 應尊重.

    而我係荃灣睇左4次啦. 我都滿意. NURSE有禮貌, E生有愛心, 唔理係名種定係街貓.

    將心比己, 佢地都係打工, 唔可以要求佢地個個都有笑容, 因人都有會支力, 有情緒, 但起碼尊重別人!

    回覆刪除
  11. naruto:
    收養佢果時佢己經係大貓同絕左育,我估大個大小姐小小啦。佢咪叨麻雀果隻囉。

    supageti:
    佢每日做野都要好定時,每日食兩餐同兩次點心,過左時間就唔食,摸佢要細細力同唔可以大聲同佢講野,唔係佢就會面壁,真係果額頭貼住個牆角架。

    回覆刪除
  12. chiseenjai:
    九成都唔會再去。其實個醫生無問題,以我所見係其中一個姑娘係咁。但係點解我會對姑娘都有要求,係因為貓貓大部份時間都是他們照顧的,我不想貓貓比人虐待呀!

    回覆刪除
  13. supageti:
    呀!仲有呀!佢乜都唔玩,同淨係抓紙箱,有兩個比佢,都只會抓同一個,掉左先抓另一個。

    回覆刪除
  14. 妳母親的寶貝係咪貓女嚟, 佢咁有性格o既? 過咗時間就連小食都唔食, 仲識玩爛一個紙箱先玩另一個, 咁識諗好有人性。
    (其實佢藏住人類靈魂, 衛斯理之老貓~)

    回覆刪除
  15. 伯有隻貓貓好有性格, 我欣賞, 哈哈!

    回覆刪除
  16. 瘋膏:
    其實我都好驚有一日我上到去抽佢水(摸佢)時,佢會同我講:你咪再摸我!

    supageti:
    佢固執....固執呀!(比我老媽聽到實炳都得啦!)

    回覆刪除
  17. 》》要大家睇咁多字,真係辛苦晒!

    唔辛苦,辛苦咗你就真,要照顧四cat,仲要應酬開blog報導家姐細妹的近況。

    講真我很享受知道貓貓的近況,自己冇得養貓,一日四五篇都唔驅,哈哈哈哈哈!

    回覆刪除
  18. 我無去過非牟利, 不過如果果度d護士咁鬼惡就唔好啦...其實真係佢地睇D動物多過醫生架!
    而家肥臣去果間診所, 由接待,護士,醫生個個都好好...所以肥臣好鍾意去,次次都fing到條尾甩咁滯...=.="

    回覆刪除
  19. 伯有隻貓貓好有性格, 我欣賞 X 2
    唔可以大聲同佢講野,唔係佢就會面壁 --> 呢個正呀~^^
    仲有無多D 好笑O野呀?

    回覆刪除
  20. the inner space:
    都有好多開心同激氣野,仲有時有好多無聊野,有人鐘意睇就固然開心,我都係當幫佢地做個紀錄。

    TY:
    小朋友既反應就最直接,得意臣開心就好啦。但係貓貓去邊都驚一餐,所以我要小心D幫佢留意。

    ayclui:
    佢咪有時真係太黑,係度打貓餅(卷埋一舊)。我老媽又老花以為佢係頸巾,一手抓落去先知,佢又要面壁一輪啦!

    回覆刪除
  21. 》》佢咪叨麻雀果隻囉。

    貓之報恩!

    回覆刪除
  22. 嘩!......唔駛再報啦!佢仲叨過好多恐怖野!諗返都起晒雞皮。不過佢而家無得出街lu,嘻嘻....

    回覆刪除