兩個小朋友開始正常活動，夜晚仲跳呢跳去。一時彈上梳化，一時彈上茶几，連窗簾布都玩得一餐。唔好見亞妹平時咁細膽，同家姐玩果時都會玩到癲晒，一D都唔斯文，但係就無家姐咁奀皮妹。但係跳得多，當然就消耗得多，所以食都食得多，又所以便便都好多，仲要好臭。但係記得大小姐細個時都無咁臭喎！諗諗下不如轉下糧會唔會好D？
搵一大輪，有幾隻心水牌子，"Applaws" 、"Fish4Cat"同"Orijen"，見D成份無穀物，無咁多調味料同防腐劑。但全部都鬼死咁貴！我只是一個在職貧窮的阿四，買左返黎佢唔食，唔通我食！咦？完來有試食包喎！去到得返"Fish4Cat"有，好過空手而回啦！
細細包，試食包。
都真係好魚味！er....
大小姐食唔食呢？拎比佢先食4粒。咁就啱啦。因為唔係比妳食。
家姐食左10粒左右。
亞妹食淨1粒。
家姐就係為左亞妹呢1粒而放棄自己果D，但係返轉頭又再食過喎。
呢個牌子除左好腥外都可以一試。
達仔D屎近日已經無咁臭，我都諗緊點解
回覆刪除影下阿妹嚟睇下啦，下次：）
同埋見佢有爛C，所以睇下轉下會唔會好D。
回覆刪除我買過呢隻牌子既 fish4dogs既零食.. 結果我隻狗好似好熱氣咁,成日有眼屎..所以無再比佢食!
回覆刪除何謂爛C? 唔係一條條? 而係1PAT? 我個仔, 都係一PAT, 不過都係固體.
回覆刪除TY:
回覆刪除哎吔吔....好熱吃...我都有諗緊試唔試埋其他果兩隻好,但係又無試食包，佢唔食就大鑊...都唔知點好....
chiseenjai:
即係呢.....好以呢......"亞妹好客氣"果篇呢......
http://www.foreverpets.hk/category/35-175/Applaws
回覆刪除呢個有試食裝喎.. 你打去問下可唔可以拎試食~
我以前隻貓食"Hills" 糧,D "C" 唔算臭喎...
回覆刪除獸醫度通常有試食裝攞o架~
我想講，我以前係餵佢地食BB糧架（royal canin)
回覆刪除TY:
回覆刪除哈哈！我咪就係去呢間囉:)
ayclui:
係喎，好多診所都推介食佢。
naruto:
佢地而家食緊"Felidae"全貓，大小姐食"Royal Canin - Uninary S/O"，我怕佢D味太似食亂，之前家姐同亞妹食左大小姐果D。