還有人嗎？

過去這幾個月，

發生太多事，

僕人日日都好似癲婆上身咁。

有些事在飛碌不方便說，

但真的要多謝這段時間伸出幫忙之手的，

大叔，意粉及Audery（細妹啲薯薯，真係唔係人人都頂得住！）

直到而家先叫停一停，

（雖然仲有好多野未搞 -_-"）

但點解今日有心情寫野呢？

因為小朋友頭先通屋跑啦 ^o^

貓奴就係咁，

果頭忟到爆血管，

呢頭見到小朋友就即刻開心笑。

樂也融融。

想影多張都唔得。

大小姐呢？

大小姐：喂！妳影好啲啦！

呢張得未呀？

熱到傻咗嘅家姐，

三十幾度仲要攬住個暖水袋。

依然傻更更嘅細妹。

暖風機的故事

自重搬咗去鄉村山旮旯地方，

好切合僕人村姑既個性，

但係鄉村地方真係比市區凍。

僕人見小朋友凍到縮吓縮咁。

又係獻恩勤既時候。

見到BLOG友之前買過暖風機俾佢兩位公子。

不如都買個俾小朋友啦！

好就抬佢返去啦^o^

Yeah!! Yeah!!

試新野。

僕人：家姐係咪好暖呢？

 家姐：拎開佢呀！吹住晒！

大小姐：妳咪拎佢入房呀！

就係咁！

僕人一開個暖風機，

就三貓四散。

咁大小姐要乜呢？

大小姐：妳擹番係度墊住我，上面加番我張私家被！

唉！

三貓有訪友

感謝大家，山旮旯地方都肯嚟。

 多謝朱子，有收成時大家一齊分享^o^

多謝意粉，小朋友都好鐘意！

多謝意粉，大朋友都好鐘意，
佢應該可以逃過魔掌的。

多謝大叔，三個小朋友都有玩，
大朋友都有玩。

家姐：細妹妳試咗新野未呀？
細妹：係咪入得去㗎？

家姐：妳試吓跳入去上面果格。

細妹：好似幾安全咁喎。

家姐：嘻！打得好就手！

家姐：個玩具俾我霸晒！

家姐：咬呀！咬呀！！

大小姐：咦？有新野！
家姐：嘩！個惡霸又嚟啦！走先！

細妹：家姐妳去邊呀？

大小姐：走開！

細妹：咩嚟㗎？

細妹：咪走！

細妹：出嚟呀！

細妹：咬你㗎！

屎面大小姐：咪再影我個城堡呀！

今日真係好開心！

全靠大叔，知道狗狗小黑返咗屋企。

原本應承咗朱子要請妳食飯，
點知又請唔成。

多謝意粉，
管接管送，
我就又食又拎。
希望我忍到口，
唔會未到期就食晒樽洛神花啦^o^

貓家貓朋友

上次講過，

貓家的第一位四腳客人到訪。

大小姐有咩反應呢？

大小姐：喂！你／妳係度做咩呀？

僕人：妳個樣咪咁惡啦。

大小姐：好惡咩！

細妹依然呆～呆～呆～

今晚，貓朋友又來到訪了。
而且還賞面吃貓家的食物呢！

以後有空也要來訪啊 ^o^

生病了

先是細妹打噴嚏，

數天後無再打，但到家姐了。

每數分鐘一次，

睇到我心驚膽跳。

之前在太子睇開，

對現在的僕人來說，實在太遠了。

上網睇睇睇，

找到了現在這間。

出村口等小巴，

點解無㗎？！

就夠鐘啦！

好，為了小朋友，

兩肋夾貓大步向前走！

感覺膊頭就快甩嘅時候，

終於到啦^^

醫生話可能係搬家壓力大，

引致免疫力下降（我都好大壓力，個荷包⋯⋯），

家姐大膽少少，

放上醫生枱上都夠膽四圍望。

到細妹，

打開個袋時已經碌大對眼唔敢郁，

放上枱，手手腳腳紅晒，又出哂汗。

醫生話佢體溫過高，仲怕佢發燒。

最後，

兩小朋友都會同大小姐隔離，

可憐大小姐又要做一個星期廳長了。

小朋友要吃藥。

最終屈服於醫生的建議買了。

今個月，僕人只可以吃開水白飯。

家姐細妹：最多我地一貓分一粒餅餅俾妳送飯啦！

僕人：謝主濃恩！

大小姐呢？

話說其他兩位小朋友都開始習慣鄉村生活。

咁大小姐呢？

大小姐：咩事？問我住得慣唔慣？

唔，幾好啦。多D蝦蝦定驚會仲好D咁囉！

三貓日記

大小姐篇

又搞到間屋"立立亂"，

平時就好執野啦！

咪搞到我張私家床吖！

嘩！乜今次咁多人嚟架！

除咗僕人准掂我，

咪怪我爪下不留情呀！！

家姐篇

點解個僕人將D野放入個紙箱入面既？

呀！我枝貓棒棒呀！

僕人點解成日行黎行去架，

又整埋咁多怪聲，

嘩！好多大聲怪呀！

要快D匿埋呀！！

唔好過黎呀！

細妹篇

好驚驚！好驚驚！！

嗚~~~~~~嗚~~嗚~~~嗚~~~~~

好驚驚！好驚驚！！

想去薯薯~~~

好驚驚！好驚驚！！好驚驚！！！

想去食野！

好驚驚！好驚驚！！好驚驚！！！

僕人篇

十年既運動量一個星期做晒！

所有既盤川一個星期用晒！

但係網依然上不到............

我的文字果然，毫不及引............

好吧！唯有偷人家孩子的圖片。

安睡的大小姐

貓家“立立亂”，

大小姐依然如故。

這篇後，可能又要停一會了。

預祝大家中秋節快樂！！

貓家變紙箱家

唔知點解，貓主人都好鐘意紙箱。

所以，做僕人嘅，見到都會拎返去考敬主人。

僕人見個紙箱殘殘舊舊咁，

咪搵個另一個返去囉，

點知⋯⋯

僕人：大小姐，點解唔縮埋雙手入去呀？

大小姐：之前果個已經唔係好夠大㗎啦！而家仲要拎個咁細嘅返嚟！

影完相之後，大小姐就再無入過去 T_T

反正僕人都已經俾人話係一個拾荒婦，

好，豁出去⋯⋯

大小姐：哼！算妳啦！下次醒少少呀！

家姐：呀⋯⋯唔錯，唔錯！

細妹：哈！有新野咬。

一床四貓

大小姐的皇位。

家姐細妹孖住做貓餅。

第二朝早，

變身做腸仔。

可愛真面目

僕人：尊貴既大小姐。

大小姐：咩事？

 

 

 

僕人：有觀眾話想睇吓妳眼仔碌碌既可愛樣呀。

 

 

 

大小姐：唔.........

 

 

 

大小姐：即係呢種？

 

 

 

真面目係..........

咬呀！咬呀.......撐呀！撐呀！

 

 

 

影咩呀！

 

僕人：大小姐，同妳影張靚相吖！

 

大小姐：影咩呀！仲唔訓！