近況

自從小朋友同大小姐分開生活，亞妹已經識得用砂盆。

每晚返到去，見到個砂盆係咁，我就好開心。

因為唔駛擔心亞妹唔去廁所，搞到膀胱同個腎有病。

當時我個心就諗，咁即係唔駛擔心亞妹又亂痾啦！
咁可以放返個砂盆蓋喎！

心不在焉諗吓諗吓，就將件冷衫放左係書枱度。

睇到呢度，大家都知又出事啦！
我入到去果時，件衫係地下。

到底亞妹係好鐘意我，要將我做佢地盤之一，
定係好唔鐘意我，要完全遮掩晒我D味呢？
或者，純粹佢只係鐘意軟綿綿既感覺？

另外，打開左小朋友個嘴仔，之前上下犬齒已經安全換左，無孖牙。Yeah~~~~

真係好凍咁喎

大小姐而家一個貓瞓，好似好凍咁。係咪要買個暖爐或者暖風機俾呢？

但係我唔係屋企時佢點算？

另外，見小朋友食支維他命咁開心，尋日加碼買多支比佢先。今次買大支，有排食。

但係我條擔心筋又戚起，硬係覺得裡面有好多調味料。

妳唔食，要我食

呢個無心裝載既僕人，早兩日終於扭住耳仔去買左貓奶俾家姐。

見到大小姐鐘意咬既樹枝，同粒粒(唔知叫咩名，我自己改。)梗係都入埋貨啦。

但係一廂情願既情況又發生，開左兩包粉紅色奶俾佢地飲。以為佢地會飲得好開心啦！點知，飲左兩啖就走人，淨返果D就倒晒。係咪食飽左所以唔飲呀？第二日開過包，倒少D，家姐亞妹各四份一包，又係食兩啖就唔飲。咁我咪要飲晒後面果排奶？

但係估唔到佢地又鬼咁鐘意食果支"Multi-Vitamin"喎，手都比佢地咬損咁滯。

黃色果包係大小姐好鐘意咬既樹枝，綠色果包係佢好鐘意玩既"粒粒"。一次用唔晒，我會封住佢等佢唔會走味。

呢包係上次入貨未開過係正常版。

呢包係今次買既，變種版。我又唔曉日文，個包裝好似有D唔同，定係買左強國老翻？

黑掹掹

黑掹掹係我幫佢改，老媽會叫佢做"妹妹(Mui Mui高音)"老哥叫佢做電筒。

早前去探佢，已經唔可以叫黑掹掹，要改口叫花白。

咁耐無見，望鏡頭影張相啦！

妳咪係度搞搞陣！

哼！唔望。

我唔望！

我唔鐘意望！

我係都唔望！

妳好走開囉喎！

所以，又匿埋發脾氣。

夾硬捉住佢影一張，睇吓！

人老了頭髮會白，原來貓咪都會。

貓咪也要堅強

每次看這短片，我的鼻子也會一酸，雙眼通紅。

但不用擔心小貓咪已快樂成長做大貓咪了。

而且充滿自信，膽子不小。

貓貓很幸褔落在這個有愛心的家庭，
世上有愛真好！ 

比較

家姐同亞妹性格唔同，連體型都好唔同。

家姐就黎得返個頭。

好明顯，亞妹就有個肚腩仔。

唔通一個似阿爸一個似阿媽？



大小姐在哪裡

因為亞妹膽小(大小姐太惡？)

所以她們要分開生活。現在孖女在房，大小姐在廳。

但我總覺得虧待了大小姐，因為晚上大小姐要獨守空床。

唯有希望孖女快點長大，我講個膽！

廁所在哪裡

昨晚又到僕人討好主人的時間。

亞妹曾經覺得呢度係廁所。窗台兩次，書枱三次，

窗台同書枱條罅一次(最甘！)。

而家亞妹終於識分，廁所係會有貓砂，無貓砂就唔係廁所。

亞妹：我識分呀！妳之前無講清楚之嘛！

亞妹獻上熒幕初吻！

大小姐的指定座位

正常座位是在我的大腿上。

 

 

如果唔俾佢坐，佢會跳上我背脊。

乖啦！坐返大髀啦。

家姐瘦蜢蜢

見家姐唔長肉，俾多D野佢食啦！咁今日食雞啦！

家姐亞妹一齊食啦！

家姐叼一舊行開食。

食食吓又行開。

攣住雙腳又食多一舊。

跟住都係唔食，比亞妹食晒。要扭抱。

我要食蝦！

攞命亞妹

係！佢又周圍痾！

但淨係開細！

所以我覺得佢其實係識去，但係唔鐘意去。

我已經唔可以再忍落去，所以我決定……

‧

‧

‧

‧

‧

‧

‧

‧

‧

‧

‧

‧

‧

‧

‧

‧

‧

‧

‧

‧

‧

‧

‧

‧

‧

‧

‧

‧

‧

‧

試吓以下方法。

〈一〉

買過一個新砂盆，因為可能佢聞到大小姐D味仲有陰影。

反駁：但係，便便佢又照去喎！

〈二〉

既然佢鐘意去布既質地度尿尿，咁用個放件衫落盆度比佢囉。

反駁：佢會唔會係我張床度尿尿架？

〈三〉

困佢入籠度，佢就無得去第二度尿尿啦！

反駁：困成十個鐘，好殘忍喎！

〈四〉

帶佢睇醫生？

反駁：咪跟左醫生講開多砂盆囉。

〈五〉

由得佢。

反駁：做死咗！駁唔到。

〈六〉

未諗到…

大小姐：(落咒)亞妹好曳……唔好要佢……亞妹好曳……唔好要佢…！

好加多樣…

〈七〉

唔要佢！！

亞妹反駁：唔好呀！唔好呀！唔好唔要我呀！

點算好？？揀邊樣？？

昨日貓

尋日Lunch經過便利店，見到佢。

到底點玩既呢？

睇佢個網址，唔識日文，

應該好似可以層層疊咁。

但係15蚊隻，一套19款。

次次抽到唔同款都要差唔多三舊水。

但係部機裡面，都無19粒蛋喎。

去邊庶搵其他機呢？

就係我啱啱扭到粒蛋，即刻有位煙民過黎問我乜黎。

我都未開點知係乜喎。哎吔！我最怕煙味。

買你怕，比你開喇。

乜真係咁受歡迎既咩？我又唔覺有好多部機喎？

尋晚去撲貓糧，見到佢。

個樣楚楚可憐咁，溫柔到不得了。

佢叫藍藍，店主話佢有心臟病唔嚇得。

好彩有人養。

蝦蝦大餐

咦？？！

點解有蝦蝦大餐既？

係咪讚我乖，奬勵我架？

妳真係乖？

係個僕人唔記得訂餅餅，我地無飯開。佢臨時臨急去街市買架！

僕人：咁好唔好食先？

我家的梳化

我家的梳化為什麼要穿衣服？

原因一

原因二

亞妹的習慣

先講我的習慣，我習慣每星期洗一次衫。前天洗衫時便發見了亞妹一個不為我知的秘密。原來亞妹一直在我的衫上撒尿。

速速上街買多一個便盆，已經很小的窩居要再一分二。孖女在睡房，大小姐在廳。因為之前醫生說過，亞妹膽小，要留意她有沒有抑壓，不敢上廁所。

將書桌下的洗衣籃暫放廁所，放進便盆，以為可以解決問題。誰知，亞妹有亞妹的堅持，就算大小姐不在也堅決不用便盆，依舊尿在衣服上。但只限小便，大便她還是用的。這可麻煩了，亞妹已習慣在衣服上撒尿，不是一下子可改變。



大小姐的飯桌

自從孖女黎左，大小姐就係呢度開飯。

但係點解要加個杯蓋呢？

因為無咗個杯蓋就會‧‧‧

亞妹仲會食到胡胡聲，自己霸晒唔比家姐食。

食清光，家姐唯有飲水啦！

亞妹平時好細膽，但係一有野食就會好勇敢。

試過有一次偷左粒乾瑤柱，一路叼住一路胡，大小姐都唔怕呀。

相反，家姐就淨係鐘意咬我同周圍跳。家姐妳咁樣唔生肉架！