行多兩步，願望就達到

想有收獲，真係要唔多唔少都要付出。

之前話想買張被仔俾大小姐，以為"先C"會有啦！

售貨員：BB仔無羽絨被架，我知！早前單新聞嘛。綿被得架啦。唔會砸親既！妳BB幾大呀？

我：唔‥‥‥(比畫大小姐大小)咁大舊左右啦！

售貨員：哦。幾個月大。妳驚佢凍既，用睡袋啦！

哈哈。如果我話俾佢聽，我BB周身毛仲有條尾佢會點呢？

跟住我又行吓其他櫃位。又真係無喎！我又以為真係無啦。

尋日走去"色色店"八吓，又順便格吓價。又比我搵到佢。

有時呢‥‥售貨員真係唔可以盡信。

鬼死咁開心！因為仲送埋被袋添 ^o^

原本諗住尋日都有廿度，唔駛用住。點知越夜，大小姐就係佢張床仔度捐吓捐吓咁。摸吓佢耳仔，又真係凍冰冰喎。唔通真係年紀大怕凍D？

佢入去伏咗一陣，耳仔就暖晒啦。

僕人：我可唔可以伸雙手入黎取吓暖呀？

大小姐：快D縮開！

但係今朝同事借咗本"舊假期"俾我睇，我個心又有D唔舒服！