五個月大啦

唔經唔覺，小朋友已經五個月大啦！因為第一枝針遲左打，所以尋日先打第二枝，同時亦解決埋我呢個問題媽媽既疑問。

以下都係我成日想問既問題

第一、家姐偏瘦，定係亞妹太肥？

其實同小朋友磅重時知道家姐2kg亞妹1.9kg，醫生話家姐都合格。

第二、亞妹無乜點大，定係家姐太長？

家姐同亞妹都會一路大，都係合格啦。

第三、亞妹一對後腳有點向內彎，從後面看有點O型。

醫生幫亞妹摸骨，話無問題。

第四、有一次家姐便便有蟲。

咁要繼續食杜蟲藥啦！

第五、家姐成日咬我，點算？

佢都仲係細，遲D就無咁百厭架啦。

第六、家姐係咪有過度活躍症？

醫生話佢咁先算正常喎，反而亞妹就太細膽，要多D留意佢。

第七、亞妹甩牙喎？仲甩兩隻添！

都算快，同通常都會甩大牙先，但係無孖牙都唔駛太擔心，留意住就得啦。

第八、家姐無甩牙正唔正常？

只係亞妹快，因為換牙仔去到八個月先換都會有。

第九、家姐飲完水會咳。

如果食野都有咳就有問題，如果淨係飲水就應該係佢飲得太急。

第十、家姐同亞妹成日食大小姐D糧。

呢樣就D有奇怪，因為BB糧通常都好D食，不過大小姐D糧係平衡酸鹼度，問不大，但就梗係盡量唔好比佢地食啦，怕佢唔夠營養。

仲有D閒談時問，唔記得左。

真係辛苦妳啦醫生。

 

新的針咭

9月3號已經有一日大架啦！

家姐的蟲蟲

亞妹，我會好好照顧妳。

大小姐：仲有我呢？
僕人：點會唔記得妳喎！