家姐要照鏡

小朋友昨晚又上了一課，因為她們的防護網唔見左，活動範圍大大廣張。家姐性格大膽D會伸個頭仔出黎望望下，亞妹就縮埋唔敢郁。

過左陣家姐鼓起勇氣，九秒九衝出黎，連我都比佢嚇親。但係佢要去邊呢？原來入房同大小姐傾偈，不過傾乜我唔知。但最後都不歡而散，因為大小姐最後又係"嗚~~~~嗚~~~~嗚~~~~"

亞妹都係無郁過，亞妹要多花D心思......

家姐繼續腳震震四圍走，但又要自由行，唔要伴遊。好啦，咁我靜雞雞偷睇佢做乜(其實我怕佢爬高咗落唔返黎)。走完晒，都係鐘意梳化底。

今朝清晨，又聽到令我最安心既抓沙聲同咬貓餅聲。乖啦...乖啦...全部放埋一齊得架啦，唔駛無開架。

今朝起身，家姐又探險，今次亞妹跟尾。但發現我偷睇佢地，又返去梳化底。

轉個頭，家姐又出黎。見我唔理佢，又繼續行。行到塊鏡前面唔識停，撞完又撞。我細細聲行過去，摸下佢個頭話佢傻豬，佢又唔撞囉喎，真係傻豬~~~

跟住就好八掛咁照鏡

家姐：好八掛咩？

家姐：你仲八啦！成日跟住我！





家姐：?