昨晚及今早情況

兩位小朋友回到家裡先安頓在洗手間，放了糧水及便盆。大貓嗅到袋裡的貓B味，邊罵邊返上床。將先前的A4紙箱在旁邊開洞，放入毛巾做成一個臨時貓窩。

小朋友一入洗手間雞飛狗走，伸手埋去就"Fee"我仲起抓。但又唔係真係抓我，仲比我抱。兩個小朋友一抱上手就自動波縮埋，手仔腳仔出晒汗好緊張。但係一放翻低，想再捉佢，佢就好又驚過。都比佢靜下先，真係驚嚇死佢呀！

半夜兩點幾大貓又"嗚"，原來小朋友爬上廁柀整跌野仲倒瀉水。好彩小朋友無濕，但係都係無食野。

今朝起身，大貓無咁不安，無再"嗚"，伸舐我添(好開心^.^)。但係兩位小朋友都係無食野同無去廁所。終於明白，點解媽咪見到小朋友有便便咁開心......

貓家的貓事將會繼續報告，但由於第一次寫Blog很多功能都要摸(連覆留言都攪一大輪先回到，都有可能係我蠢\\\)，遲少少會有相同Video，我會努力的。