2012年5月18日 星期五

三貓日記

僕人版本
買D魚乾返去俾主人食先。
大小姐唔食,俾小朋友試吓。
家姐食得好慢,成條食嚟食去都咬唔開。
亞妹食得好快,成條嚼兩三吓就食晒。仲打家姐果D主意。
到最後亞妹仲趕走家姐,食埋佢果份。

大小姐版本
個僕人又唔知買咩返嚟。
果兩隻傻瓜仲乜咁開心?又唔係有蝦蝦同雞雞大餐。
哼!咪搞到我。

家姐版本
咦?!僕人買乜返嚟?好香咁喎。
哎吔,俾我食架。唔,好好味呀。
但係咁硬架。弊啦!大食妹過緊嚟呀!
呀!唔好呀。俾番我呀,係我架!
嗚~~~~嗚~嗚~~~~嗚~~~~

亞妹版本
僕人有野食味呀!
有野食!有野食!
俾我食!快D俾我食!
家姐果邊仲有喎!
食埋佢先,Fea~~~
走開!呢D都係我既!

17 則留言:

  1. 又比阿妹食哂,家姐好慘呀

    回覆刪除
    回覆
    1. 如果係我,我會縛住阿媽等家姐食完先比佢食,等佢知道惡係錯嘅

      刪除
  2. 係咪應該試下分開阿妹同家姐食飯呢.. 如果唔係阿妹變大隻妹,家姐就唔夠食喎!

    回覆刪除
    回覆
    1. 應該試下分開阿妹同家姐食飯 x 2

      刪除
    2. 如果俾家姐食先,唔知放亞妹去邊。
      通常一齊食先,然後偷偷地再俾家姐食多份。

      刪除
  3. 咁啲魚乾是怎麼狀況的呢?

    可惜冇相片!

    回覆刪除
  4. 切碎D畀家姐食...

    回覆刪除
    回覆
    1. 係呀,後尾果D都整細粒D俾家姐。

      刪除
  5. 回覆
    1. 事前唔記得影,記得已經太遲。

      刪除
  6. 我個留言呢? @I#@#@&*%Y#UO@UU#(*@U#

    我想問, 個D魚乾,係大大條, 定係細細條?

    我朋友之前都有餵細細條既, 日本制, 食完佢地痾橙尿....

    你要留意下!

    回覆刪除
    回覆
    1. 我覺得應該因為有色素 ~~

      刪除
    2. 我果D都係細細條架,頭先睇又無野喎。
      咁得人驚?日本野喎?唔通受左幅射?

      刪除
  7. to chiseenjai:
    痾橙尿.....哇,試過味呀?又知係橙?

    回覆刪除