呢個無心裝載既僕人，早兩日終於扭住耳仔去買左貓奶俾家姐。
見到大小姐鐘意咬既樹枝，同粒粒(唔知叫咩名，我自己改。)梗係都入埋貨啦。
但係一廂情願既情況又發生，開左兩包粉紅色奶俾佢地飲。以為佢地會飲得好開心啦！點知，飲左兩啖就走人，淨返果D就倒晒。係咪食飽左所以唔飲呀？第二日開過包，倒少D，家姐亞妹各四份一包，又係食兩啖就唔飲。咁我咪要飲晒後面果排奶？
但係估唔到佢地又鬼咁鐘意食果支"Multi-Vitamin"喎，手都比佢地咬損咁滯。
但係一廂情願既情況又發生，開左兩包粉紅色奶俾佢地飲。以為佢地會飲得好開心啦！點知，飲左兩啖就走人，淨返果D就倒晒。係咪食飽左所以唔飲呀？第二日開過包，倒少D，家姐亞妹各四份一包，又係食兩啖就唔飲。咁我咪要飲晒後面果排奶？
但係估唔到佢地又鬼咁鐘意食果支"Multi-Vitamin"喎，手都比佢地咬損咁滯。
黃色果包係大小姐好鐘意咬既樹枝，綠色果包係佢好鐘意玩既"粒粒"。一次用唔晒，我會封住佢等佢唔會走味。
呢包係上次入貨未開過係正常版。
呢包係今次買既，變種版。我又唔曉日文，個包裝好似有D唔同，定係買左強國老翻？
咁家姐鍾意飲嗎？
回覆刪除唔係咁鐘意，連好為食既亞妹都飲唔夠十啖。
刪除衰女包, SIDE野呀!
回覆刪除你驚佢地唔夠營養呀?
我家小孩又OK呀, 一星期食乾糧, 每星期6就開一罐頭兩份, 佢地依家好大隻啦.
小食, 我就差唔多日日都有一粒俾佢地, 我想"仲"佢地痴我多D嗎..HAHA..不過, 都係唔好餵貢多TREATS 啦. !
真係養女唔知女心乾，我都估唔到佢唔鐘意飲奶。
刪除因為家姐同亞妹身型相差唔少，家姐又咀刁怕佢唔夠營養。
都唔洗太擔心, 佢地食得瞓得痾得就OK啦.
刪除之前我都係咁, 又驚咁, 又驚咁....
依家我LET GO啦.
佢地安全係屋企就得!
嗰枝Multi-Vitamin好正架,係咪似麥芽糖味? 如果係, 應該冇咩貓唔like。
回覆刪除d 奶點算? 送俾人?
唔，我聞落覺得有D似"保惠爾"牛肉汁果D味。
刪除係呀。仲有兩包粉紅色，罐奶粉同包奶都未郁過。
上次果包"粒粒"講明係用日本產またたび製，新買既無寫好可能係用祖國產既，個樣都好唔同喎。
回覆刪除都唔知乜黎，好以直頭另一樣野咁。
刪除粒粒你喺邊樹買？
回覆刪除係金魚街近萬寧果邊(即臭豆腐果邊)有間叫"紅蘿蔔"的，如果無佢對面有間"Q-Pet"都有。但係我尋日睇過都係得返D變種粒粒。
刪除如果你想買不如我寄比你啦！
啲奶飲唔晒最後係咪真係僕人飲咗呀？
回覆刪除粉紅色果包飲咗啖，好鬼難飲。
刪除唔怪得佢地唔飲啦！