2012年6月27日 星期三

心火盛

昨晚大小姐的小姐脾氣又發作,今次到家姐糟殃。


聽見家姐連聲淒厲慘叫,僕人駛出鐵火掌及獅吼功才能制止。

大小姐眼眨眨訴說自己沒做錯。

家姐可憐躲在一角。

今早僕人心裡還很難過。


22 則留言:

  1. 需要查證,前因後果,
    表面證供,未必事實!

    回覆刪除
  2. 你次次都咁工整既。

    故事就係:家姐係廚房,我叫佢返入房一齊瞓,經過廳,大小姐撲過去攬住家姐黎咬,又腳撐。我喝都唔停,我伸隻手入大小姐個口喝佢,佢先肯放手。家姐即刻就跳上床,大小姐返梳化眼眨眨唔順氣。

    都唔知幾時先可以唔打交。

    回覆刪除
  3. 咁,有冇為雙方驗傷呢?
    也可以詳細檢查廚房內,
    有沒有甚麽異樣,
    日頭你不在家時,
    是沒有錄影個播,
    可能廚房有證據,
    要做法官要公正。

    回覆刪除
    回覆
    1. 平時我唔係度,家姐同亞妹會係關係房,我返到去先會放佢地出黎。
      家姐最鐘意係個廚櫃頂度攤抖,所以,一開門家姐就會靜雞雞急急腳走去櫃頂。
      可能大小姐唔鐘意佢地經過佢地盤。

      刪除
  4. 咁家姐有無受傷?

    佢可能覺得你偏心呀,錫下佢同佢傾下計啦

    回覆刪除
    回覆
    1. 家姐成身都係血呀!!




      嘻嘻!講吓啫!
      我隻手就多咗幾個窿。
      家姐個背脊同條脛有好多口水咁囉。

      有架,晚晚都談心架啦。

      刪除
    2. 咪係,嚇C人 X 2
      >.< 哼!

      刪除
    3. 各位:

      嚇親大家,真係唔好意思!

      刪除
  5. 佢唔鍾意妳錫晒細嗰2個, 唔錫佢呀~
    而家嫌佢老, 妳就帶嫩口新歡返嚟, 霸佢張床, 佢被逼瞓廳,
    條氣唔順咪打佢囉。

    呢d嘢, 應該要用一年時間接受, 亦有可能唔會接受到....

    回覆刪除
    回覆
    1. 無呀!無呀!!
      我從來都嫌棄佢架!不過我都知大小姐可能會咁諗。

      唉!好似大婆蝦二奶咁。

      刪除
  6. 家姐有無受傷呀?
    呢個唔係一時三刻可以解決得到,比D耐性啦!

    回覆刪除
    回覆
    1. 我試過掃開佢背脊d毛毛,又唔見到有傷口,但係知佢一定痛。

      希望有咁既一日啦!
      而家兩姊妹都盡量避開大小姐架啦。

      刪除
  7. 可唔可以將家姐妹妹困籠, 放係廳, 等大小姐小習慣下佢地2位D味道 , 慢慢接受呀?

    其他方法, 我真係諗唔到啦.

    hahahahhaha

    希望大小姐唔好妒忌啦..而2個細既, 又生生性性!!!!!

    回覆刪除
    回覆
    1. 今日好D啦,兩個小朋友識避開大小姐,又識去我度做避難所。

      刪除
  8. 依啲問題真係幾難解決。

    家姐好可憐,希望佢無嚇親啦。

    回覆刪除
    回覆
    1. 大小姐今日又無咁大火囉喎。

      刪除
    2. 可能係更年期,哈哈!

      刪除
    3. 大小姐唔會日日咬兩姐妹嘅, 如果唔係你實飛佢去厠所都似~ ^^

      刪除
    4. supageti:
      更年期?佢應該過埋添囉喎!
      佢真係老貓有火。

      ayclui:
      困廁所?一陣啦,如果困成晚,佢實嘈到我唔駛瞓兼俾人投訢都似。

      刪除