2012年6月17日 星期日

僕人唔食魚,咁小朋友咪無魚食囉?!
咁又未必喎。
因為有魚乾賣架嘛!
其實之前買過魚乾俾小朋友食,
但係發覺有好多骨,
家姐唔係好咬到,亞妹又食得好急。
所以驚佢地會哽親,
驚青僕人諗過,好似好危險咁。
所以買咗呢款魚柳。
開包俾大小姐試吓先!
第一次食剩三分一左右,
其實一開就已經嗅到腥味,唔同罐頭果種香味。
咁我估應該唔會好多味精啩。
都係唔放心,試咗少少,真係腥到嘔!
好天然(嘔!)魚味,食唔到有調味料。
隔多陣,拎住俾大小姐食,
好俾面食哂。
開包俾家姐同亞妹。

肥妹妹大大啖食。
家姐細細啖食。 
 同樣清哂。

唔怕腥味既貓主(定僕人??)可以試吓俾小朋友食。
 僕人雖然無份食,但係都可以慳番餐,
因為聞到D腥味都返胃........

18 則留言:

  1. 哈哈哈哈哈條魚給阿妹吃了。。。。。咩都無淨連相片都冇埋!

    回覆刪除
  2. 吓! 你自己試食先?唔使咁委屈僕人喇!

    回覆刪除
    回覆
    1. 我怕有調味料呀,都係少少啫。

      刪除
  3. 睇見我都想食埋一份呀,哈哈!

    回覆刪除
    回覆
    1. 好淡架!又腥。
      好似清蒸魚無落鹽又無落豉油咁。

      刪除
  4. 回覆
    1. good fit 好身栽!
      雖然無食 special K ^o^

      刪除
  5. 阿 Cat 同小明好啱 key 喎 ~~ 呵呵 ~~~

    回覆刪除
    回覆
    1. 梗係好大分別啦!
      佢蝦貓地,我係貓地僕人嚟架!

      刪除
  6. to意粉:好多人味覺退化,食唔到腥味架

    to cat:真係為難我地呢D進化左架

    to家姐阿妹大小姐:魚都唔係人食嘅,咁腥,比哂我地貓地食啦

    回覆刪除
    回覆
    1. 只係有一部份人對某種味特別敏感,即係好似榴槤咁囉。

      刪除
  7. 咁係咪連雪藏魚柳,你都頂唔住架?!

    回覆刪除
    回覆
    1. 以前冷藏技術無咁先進,魚味無保存得咁好,我都食到少少既。
      而家雪藏魚味道鮮咗(我叫腥=.=)真係唔得lu。
      有次個蒸籠蒸完上手份魚肉腸粉,再蒸我份齊腸......嘩!食到我喊呀!

      刪除
  8. 四包魚都有不同味道,
    有不同顏色包裝:
    とりだし味 (雞香味)
    ほたて味 (扇貝味)
    いりこ味 (鹹魚味)
    宗田節味 (原味)


    還有很多產品:CIAO Cat Food

    哈哈哈哈哈! 僕人真的細心!

    回覆刪除
    回覆
    1. 嘩!原來你都係識日文架?!
      你搵資料真係好犀利!

      刪除
  9. 你真係好, 真係會試...HAHA...

    我最多都係買CANNED FOOD, 一係就蒸雞!

    回覆刪除
    回覆
    1. 我之前聽過人講有人試過狗糧添呀。
      我呢D小意思。
      蒸雞同蝦之前我都會,但呢排少咗煮食。
      我又貪新鮮試吓新口味。

      刪除