2012年2月29日 星期三

近況

自從小朋友同大小姐分開生活,亞妹已經識得用砂盆。
每晚返到去,見到個砂盆係咁,我就好開心。
因為唔駛擔心亞妹唔去廁所,搞到膀胱同個腎有病。


當時我個心就諗,咁即係唔駛擔心亞妹又亂痾啦!
咁可以放返個砂盆蓋喎!

心不在焉諗吓諗吓,就將件冷衫放左係書枱度。

睇到呢度,大家都知又出事啦!
我入到去果時,件衫係地下。

到底亞妹係好鐘意我,要將我做佢地盤之一,
定係好唔鐘意我,要完全遮掩晒我D味呢?
或者,純粹佢只係鐘意軟綿綿既感覺?

另外,打開左小朋友個嘴仔,之前上下犬齒已經安全換左,無孖牙。Yeah~~~~

17 則留言:

  1. 放番個大蓋, 有門既, 佢地識走入去痾架啦. 我對2位小姐有信心. HAHA...

    佢地幾時可以同大小姐共處呀? 我驚大小姐唔開心呀!

    回覆刪除
    回覆
    1. 可能星期六日先番個蓋,等我有多D時間入去睇佢地。

      要等佢地絕左育好番晒同大定晒先得啦。

      刪除
    2. sorry, 我意思係大蓋, 而冇門既!

      我家小孩第一日都識入去啦。 

      遲上我想裝番度門上去。 個度門有2粒膠釘, 之前試過, 佢地好奇, 咬甩晒粒膠釘出黎。 我都係打算等我家小孩絕左育先裝番度門!

      刪除
    3. 我度問果兩粒膠釘比佢地咬到殘晒,唔知仲裝唔裝到lu。
      想問吓呢,醫生有無講同佢地絕育果時係兩雙腳仔中間開刀,定係側面開刀呀?

      刪除
    4. 依? 我冇問呀.

      之前朋友兩隻女, 係肚位開刀WOR. 有隻成日足, 做完第一次, 個傷口唔埋, 有血出, 要做多一次. 所以女仔做完一定要入籠生活1-2星期.

      而上網睇, 有人話係大脾. 我唔多清楚. 如果你係9/3之前未做, 我可問下.

      而我家小孩,應該容易D, 只要切走粒波子, 那巴都可能唔洗帶

      刪除
    5. 係喎!又唔記得咗你兩個小朋友都係男仔添!

      刪除
  2. 亞妹對妳D衫情有獨鍾,嘿嘿。

    回覆刪除
    回覆
    1. 我真係好驚佢有一日偷偷地走咗入衣櫃。

      刪除
    2. 可能一早已經暢遊過你個衣櫃到此一遊喇
      check 下好喎 ^^

      刪除
    3. 我晚晚都伸個頭入衣櫃深呼吸架!

      刪除
  3. 阿妹應該係好鍾意你陣除,亦鍾意軟綿綿既感覺。

    回覆刪除
    回覆
    1. 無呀,無呀,我唔係胡仙呢架!
      但係我發覺亞妹去原廁所,隻腳仔就唔鐘意再踩落D砂度,佢會即刻原地跳出黎。

      刪除
  4. 為左知阿妹嘅感覺,我自己試下屙落件衫啦

    回覆刪除
    回覆
    1. 哈哈哈!你痾左未??
      我唔想知亞妹既感覺>.<

      刪除
  5. 我無你呢個問題,唔使試

    回覆刪除