2013年10月12日 星期六

生病了

先是細妹打噴嚏,
數天後無再打,但到家姐了。
每數分鐘一次,
睇到我心驚膽跳。

之前在太子睇開,
對現在的僕人來說,實在太遠了。
上網睇睇睇,
找到了現在這間。

出村口等小巴,
點解無㗎?!
就夠鐘啦!
好,為了小朋友,
兩肋夾貓大步向前走!

感覺膊頭就快甩嘅時候,
終於到啦^^

醫生話可能係搬家壓力大,
引致免疫力下降(我都好大壓力,個荷包⋯⋯),

家姐大膽少少,
放上醫生枱上都夠膽四圍望。

到細妹,
打開個袋時已經碌大對眼唔敢郁,
放上枱,手手腳腳紅晒,又出哂汗。
醫生話佢體溫過高,仲怕佢發燒。

最後,
兩小朋友都會同大小姐隔離,
可憐大小姐又要做一個星期廳長了。

小朋友要吃藥。

最終屈服於醫生的建議買了。

今個月,僕人只可以吃開水白飯。

家姐細妹:最多我地一貓分一粒餅餅俾妳送飯啦!
僕人:謝主濃恩!

16 則留言:

  1. 個個都係陰功豬....>.<
    果枝係咩來? 係咪用咗就可以防止細妹四圍xx?
    僕人只可以吃開水白飯 --> 問主子賒D 罐罐"送" 飯囉...哈哈哈~ (講笑咋, 我請你食囉~ ^^)

    回覆刪除
  2. 回覆
    1. 估唔到細妹真係驚得咁勵害,今次真係嚇病咗。

      刪除
  3. 醫生話因為搬屋,細妹太過緊張,所以病,枝 Feliway可以等細妹無咁緊張,放鬆D。
    都可以改善/防止細妹四圍xx

    家姐細妹:到妳地黎探我地果時,僕人就出咗糧㗎啦!

    回覆刪除
  4. 你果頭有獸醫都好吖, 我住呢區無, 所以諗來諗去都唔敢養貓 :(

    江湖散人

    回覆刪除
    回覆
    1. 我都係上網睇睇睇,不過有時搵到又怕遇著黃綠。

      刪除
  5. 我覺得餵貓貓食藥好難,
    祝早日康復!

    回覆刪除
    回覆
    1. 藥水真係好難餵,尋晚先俾家姐整損,我就一身都係,家姐食完就好似嘔白泡咁。
      今日要問吓可唔可以轉藥丸。

      刪除
  6. Cat:我覺好學識餵藥水,一開始我都唔識,但試多幾(十)次,我同達仔都克服到,始終將來實有用;

    幾在乎左手掐佢下(鱷)個手勢,時間準,一掐,一張口就隊針筒,跟住吱入去,兩秒做哂

    祝早日康復

    回覆刪除
    回覆
    1. 有時餵完都唔知佢有無食到,因為梗有一半嘔返落我度。

      不過而家好返lu^o^

      刪除
  7. 我前個幾次都係藥丸, 好難餵...

    藥水好好多...

    我家公子上星期都有幾下SNEEZE....我都驚佢地病...

    希望你家小姐們快D好番.....

    回覆刪除
    回覆
    1. 哎吔,我反而覺得藥丸易餵呢。
      而家好返啦,謝謝。

      刪除
  8. 祝早日康復,今晚都要接小米返屋企,希望佢適應啦~

    回覆刪除
    回覆
    1. 咦?我以為小米一路都係你屋企?!
      無問題既,小米仲細好易適應^o^

      刪除
  9. 枝抗生素我都餵過,都幾易餵。

    藥丸呢,有人教過(同大叔講既差不多)但我未試過。

    都係餵狗仔食藥容易。

    回覆刪除
  10. 細妹食完就嘔返出嚟,嘔到好恐怖 >.<

    回覆刪除