2012年5月4日 星期五

抓抓床

其實呢塊係磨抓用,但係大小姐有時會將佢當床瞓,所以我叫佢做抓抓床。
用了一段時間,經歷過大小姐對佢既愛,已經變得有D嘔心。

是時候要買張新的了,大小姐最鐘意呢包粉。

全部日文,唔知講乜,淨係知係支那產。

之後又諗,其實舊個張抓抓床,整理吓用唔用得呢?
幫佢剪下髮。

即刻清爽咗。

大小姐發現僕人搞過佢D野,即刻霸番住。

但最後都係要開過張新抓抓床。點解?
大小姐:咪就係有人粗心大意,剪爛咗我張床囉!
僕人:對唔住!對唔住!
大小姐:哼!辦事不力!

24 則留言:

  1. 唔知達仔瞓唔瞓呢?佢已經無瞓佢間貓屋多過三個月,可以收番埋

    回覆刪除
    回覆
    1. 達仔話 瞓你大脾好過啦!仲瞓貓屋?!

      刪除
    2. 同意呀!
      瞓窗台曬住太陽睇海景都係唔錯選擇。

      刪除
  2. 大小姐張床會唔會短左少少?

    回覆刪除
    回覆
    1. 人地原先個設計唔係俾貓貓瞓架,係大小姐唔理,夾硬迫落去咋嘛!

      刪除
  3. 個隻粉我估叫「木天蓼」,我係日本貓貓漫畫睇到,稱貓貓好中意架!

    回覆刪除
  4. 就咁睇張新床好像是細了幾個size大小姐好逼劫至塞到入去!

    回覆刪除
    回覆
    1. 人地設計嚟俾貓貓抓,佢就攞嚟當床瞓。有時會瞓到手仔腳仔叉晒出嚟添。

      刪除
    2. 好明顯張舊床比大小姐訓到"wea" 哂~^^

      刪除
    3. 第一張相片已經證明到原本是同一大小!

      刪除
  5. 係咪佢第一次瞓時無咁大隻,而家慣左呀?

    回覆刪除
    回覆
    1. 我一兩年前買,佢果時己經係大大隻架啦!佢鐘意咪硤硬迫入去,有時鞋盒果D都係咁。

      刪除
    2. 哈哈哈!貓兒都愛捐盒子的吧,我去世的貓兒,一見有適合的新盒子帶回家,就第一時間霸咗先嘅!

      刪除
    3. 我都覺得係,有時紙袋果D佢都會捐入去,明明唔夠位,佢淨係入上半身都要伏一陣。

      刪除
    4. 睇埋最尾尾張相片,好顯然大小姐懂得分別,
      要新床嫌棄舊床,咁最後下場是去了垃圾桶?

      刪除
    5. 重係度,唔知掉唔掉好。

      刪除
  6. 佢訓係張野度個樣好攪笑,特別係舊果張

    回覆刪除
    回覆
    1. 佢係咁架,凡係搞過佢D野佢都要伏番一陣先安樂。

      刪除
  7. 咁係咪大貓貓至啱用,兩位小妹妹未用得呀?

    回覆刪除
    回覆
    1. 小朋友都有份,買果時一次過買左兩張,不過小朋友個張無落粉,怕刺激到隻瀨尿蝦呀。

      刪除
  8. 我都有買, 但老GO完全唔LIKE, 唔肯瞓, 好似俾咗人~
    唔睇到妳個POST, 都唔記得咗~

    回覆刪除
    回覆
    1. 落左粉都唔鐘意呀?!
      不過俾咗人都好,唔會浪費吖嘛。

      刪除