2012年1月11日 星期三

喋喋不休

這篇文章很沉悶,跟大小姐、家姐及亞妹沒有關,不想浪費時間及沒有興趣的朋友可以跳過不看。來日有關她們的大小事再跟大家分享。




 
豬:

個多月前我們家來了兩位女兒,相信妳也知道了,還記得大小姐來我們家時,妳常常欺負人家嗎?現在大小姐雖然不太高興,但也沒有像妳般兇惡。舊主人告訴我們,在店子裡妳會吃老鼠,會抓人是惡貓。當妳初來我家時,天真的我要給妳一個吻,卻換來嘴破血流的下場。所以給妳洗澡的念頭也打消了,只好用濕毛巾抺抺妳灰色的小手小腳,但也落得滿手血痕。

可能自小在店裡吃了不少苦頭,令妳性格如此剛烈,看見人類的手掌便要先防範起來,告訴人家妳不好招惹。我為了博取信任,只好在妳熟睡時偷偷親近。妳發現了便胡~~~~~~~~~~~~~~~,我再不走開妳便fee~~~~~先咬再抓。日子久了,妳發覺我面皮很厚也沒有惡意,批准我摸妳的小手、面頰,再來是肚子。我要再次告訴妳,妳的小肉球真的很可愛,還有妳第一次舐我,直到現在我也沒有忘記。

因為妳性格不親人,又老是吃膠袋,老媽罵妳,妳會駁咀,看見人家的手指指便更加光火。她便把重心放在妳兩位姊姊身上,妳自然跟我更親。後來跟妳長時間獨處一室,妳便完全放下戒心,對我呢喃細語表現出溫柔的樣子,偶爾還會撒嬌要我摸鼻鼻,妳便滿足的打呼噜。跟妳快樂的時光不少,但妳性格依然剛烈沒變。洗菜時必須最少先把兩片葉子給妳,否則每株菜上也會有妳留下的痕跡,雖然我從來也不知道妳是如何辦到,但我知道一定是妳,因為妳只吃葉不吃莖。要是我吃零食不分妳一份,妳又咬又抓,加上獨特的貓叫功,不是喵而是waor~~~~waor~~~~一直的叫,吃不到誓不罷休。想起來妳的口味也很廣,蛋糕、薯條、薯片、蝦條、紫菜、鱈魚絲、魷魚絲,還有乾瑤柱,基本上我吃的妳也吃。但到現在我也不明白為什麼妳喜歡吃膠袋呢?

妳知道嗎?現在大小姐也跟妳一樣會鑽進被窩裡睡在我臂彎內,每次她鑽進來我也會想起妳,也像吻妳一樣給她一個吻。請不要呷醋,如果妳在我夢裡來探望,盡管妳咬我抓我,我依然會吻妳抱妳,永不厭倦。


有時候妳會把抽屜打開睡在裡面。

妳的睡相最古怪。







最喜歡在我杯子裡喝水。

可愛的樣子。

飛機耳出現,又發怒了。

17 則留言:

  1. 唔悶呀
    豬豬識得自己開櫃桶咁厲害架~

    回覆刪除
  2. 走左幾耐呀?睇樣唔覺佢惡

    回覆刪除
  3. 睇得出你仲好掛住豬豬...真係長情~

    回覆刪除
  4. largeheadboy:
    D相唔悶:D
    佢好鐘意開櫃桶架,仲識開衣櫃度門,抓晒D衫出黎添。

    naruto:
    佢09年9月走左lu。
    佢唔見血唔收手呀。連隔離屋隻狗都怕左佢。

    the inner space:
    我怕太傷感太悶呀,每隻貓貓都有很多瑣碎事,整理好先啦。

    maymay:
    D相係佢老左唔發嬲果時影,最尾果張相先係佢既真面目。

    ayclui:
    由佢唔信人到後尾肯同我訓,中間真係有流左唔少血架。哈哈!

    回覆刪除
  5. 豬豬好得意! 瞓覺個樣好sweet.. 好似笑笑口咁~~ 佢都幾肥喎...

    回覆刪除
  6. supageti:
    對動物好簡單,你錫佢一佢定知。
    對人就唔識lu~~~

    TY:
    佢唔發惡時又真係幾可愛既(做啊媽永遠都讚自己啲仔女~~),佢原本叫亞妹架,就係因為肥比我叫下叫下變左叫佢做豬。

    回覆刪除
  7. 來不來寫下豬豬都幾好,佢地好簡單, 知你愛佢只是日子長短問題.

    好似我貢,栗子都係驚我,一見我就呢埋,我米唯有申手入佢間屋, 去摸去R佢LOR, 佢都會咕咕聲. 我對自己都有信心, 假以時日, 佢一定知.

    人/貓都有唔同性格, 冇可能將自己一套加諸每個,反而要有所調節.

    我定番薯都係咬我架, 依家月來月大力. 就好似豬豬咬你貢. 呢D叫 "愛的印記" 呀!

    =)

    回覆刪除
  8. 睇到我眼濕濕...

    但佢發怒嘅飛機耳好可愛boh... :P

    回覆刪除
  9. chiseenjai:
    "好似我貢,栗子都係驚我,一見我就呢埋,我米唯有申手入佢間屋, 去摸去R佢LOR, 佢都會咕咕聲. 我對自己都有信心, 假以時日, 佢一定知." 亞妹初初都係咁,俾多時間佢,你對佢好,佢一定會錫你架。
    哈哈!咬者愛也~~~

    lu:
    我寫果時都會眼濕濕,所以唔可以寫咁多。
    快D諗返D開心野啦! :D
    咪俾佢呃到呀!

    回覆刪除
  10. 老豬好靚, 毛色同d紋我都好like, 仲有highlight眼(白邊眼線), 又肥又圓, 好想摸摸。鍾意佢成隻乳豬咁瞓喺梳化上。請問佢以前喺咩舖頭生活過, 攪到佢手腳毛變灰? 又會俾人攪到對人類咁防範。

    老go都會開老哥櫃桶跳入去匿埋, 又開廚房地下櫃玩。

    我睇咗2次都忍唔住眼濕濕。佢幾歲走咗?

    回覆刪除
  11. 佢以前係酒吧生活,有一個男主人一個女主人,女主人對佢好惡,成日手指指罵佢然後打佢,所以佢對手指指好敏感。男主人對佢好D,生活都係男主人照顧,但係一日一個罐頭,同星期日唔開舖就無野食。朝早收舖就鎖入籠,無水無糧無廁所。男主人話有時佢會食老鼠,成個嘴都係血,所以好惡(人地肚餓呀!)有時又會跳上枱偷客人食剩D野(所以覺佢好曳,都話肚餓囉!唉!)。
    佢走果陣我諗16-17歲左又啦,醫生話佢應該肝同腎有問題。因為佢唔食唔飲耳仔黃晒.....不說太多了。

    回覆刪除
    回覆
    1. 原來佢之前生活得咁困苦, 唔怪得佢會對人咁防範, 我覺得嗰對男女好衰, 只係當佢係會郁的公具, 連飽飯都唔俾人食, 可惡。
      佢後半生遇到妳, 算是苦盡甘來, 雖然回憶起會哭(我宜家又眼紅晒), 但佢活得快樂, 替其高興。
      (唔好意思, 撩起妳傷心事)

      刪除
    2. 阿豬好可憐呀 ~~ 依啲人有報應嫁 ~~~ 不過佢下半生都算過到啲好日子,好幸福。

      佢咬你發洩下佢既不幸,咪當幫人類贖下罪囉。

      刪除
    3. 瘋膏 / supageti:
      有時呢,我會諗我前世係咪隻狗,成日蝦D貓貓,所以今世要好好照顧返佢地。

      刪除